05/February/2026

ایرانی سپریم لیڈر خامنہ ای کو بہت فکرمند ہونا چاہیے، امریکی صدر ٹرمپ

👁️ 218 بار دیکھا گیا

ایڈمن
امریکا
ایرانی سپریم لیڈر خامنہ ای کو بہت فکرمند ہونا چاہیے، امریکی صدر ٹرمپ

ایرانی سپریم لیڈر خامنہ ای کو بہت فکرمند ہونا چاہیے، امریکی صدر ٹرمپ

واشنگٹن (ڈیلی اردو) امریکی صدر ڈونلڈ ٹرمپ نے ایران کے سپریم لیڈر آیت اللہ خامنہ ای کو خبردار کرتے ہوئے کہا ہے کہ انہیں بہت فکرمند ہونا چاہیے۔ امریکی میڈیا کو دیے گئے انٹرویو میں صدر ٹرمپ نے دعویٰ کیا کہ انہوں نے ہمیشہ ایرانی عوام کا ساتھ دیا اور اگر وہ ایران پر کارروائی نہ کرتے تو آج مشرق وسطیٰ میں امن قائم نہ ہوتا۔

 

صدر ٹرمپ کے بیان ایسے وقت میں سامنے آئے ہیں جب دونوں ممالک کے درمیان ایران کے جوہری پروگرام پر جمعے کو مذاکرات ہونے والے ہیں۔ ٹرمپ نے کہا کہ ایران کسی پیش رفت کا خواہشمند نظر آتا ہے، لیکن دیکھنا ہوگا کہ آیا واقعی کوئی نتیجہ سامنے آتا ہے یا نہیں۔

 

ایک موقع پر امریکی صدر نے ماضی کی کارروائیوں کا حوالہ دیتے ہوئے کہا، ’’ہم نے ایران کو بات چیت کا موقع دیا، لیکن کوئی نتیجہ خیز پیش رفت نہ ہوئی، جس کے بعد ہم نے ایران کے خلاف آپریشن 'مڈنائٹ ہیمر' کیا۔ مجھے نہیں لگتا کہ ایران دوبارہ اس قسم کی کارروائی چاہے گا۔‘‘

 

ٹرمپ کے مطابق ایران کو مذاکرات کے دوران نہ صرف جوہری پروگرام بلکہ اپنے میزائل پروگرام، خطے میں قائم پراکسی ملیشیاؤں اور مظاہرین کے ساتھ سلوک پر بھی بات کرنا ہوگی تاکہ حقیقی معنوں میں مثبت نتائج حاصل کیے جا سکیں۔

سکیں۔

 

صدر ٹرمپ کا یہ موقف امریکہ کی حالیہ ایران پالیسی کی عکاسی کرتا ہے، جس میں دباؤ اور مذاکرات کو ایک ساتھ استعمال کرنے کی حکمت عملی اپنائی گئی ہے۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C