16/June/2026

ایران کو ’امریکہ کا ایک پیسہ بھی‘ نہیں ملے گا، امریکی نائب صدر

👁️ 56 بار دیکھا گیا

ایڈمن
امریکا
ایران کو ’امریکہ کا ایک پیسہ بھی‘ نہیں ملے گا، امریکی نائب صدر

ایران کو ’امریکہ کا ایک پیسہ بھی‘ نہیں ملے گا، امریکی نائب صدر

واشنگٹن (ڈیلی اردو) امریکہ کے نائب صدر جے ڈی وینس کا کہنا ہے کہ امریکہ کے ساتھ امن معاہدے کے تحت ایران کو ’امریکہ کا ایک پیسہ بھی‘ نہیں دیا جائے گا۔

 

فاکس نیوز سے بات کرتے ہوئے وینس نے ٹرمپ انتظامیہ کا موازنہ سابق امریکی صدر باراک اوباما کی حکومت سے کیا اور کہا کہ اوباما نے ایران کو ’ایک ارب ڈالر سے زائد نقدی کی شکل میں دیے تھے۔‘

 

جب ان سے پوچھا گیا کہ کیا قطر سے 300 ارب ڈالر کی واپسی اور ’24 ارب ڈالر کے غیر منجمد اثاثے‘ ایران کو منتقل کیے جا رہے ہیں، تو وینس نے کہا کہ یہ ’بنیادی طور پر ایرانی پروپیگنڈا‘ ہے۔

 

انہوں نے چینل کو بتایا: ’جو ہو رہا ہے وہ یہ ہے کہ ان کے معاشرے کے کچھ عناصر اس معاہدے کو اپنے ملک کے عوام کے سامنے زیادہ سے زیادہ مثبت انداز میں پیش کرنے کی کوشش کر رہے ہیں۔‘

 

انہوں نے مزید کہا: ’امریکی رقم کا ایک سینٹ بھی ایران کو نہیں جائے گا، نہ 300 ارب ڈالر، نہ 24 ارب ڈالر، نہ ہی کسی قسم کی کوئی رقم۔‘

تاہم وینس نے یہ بھی کہا کہ اگر ایران اپنی ذمہ داریاں پوری کرتا ہے تو اسے کچھ ’فوائد‘ حاصل ہو سکتے ہیں اور قطر، متحدہ عرب امارات یا سعودی عرب ایران میں سرمایہ کاری کرنے کا انتخاب کر سکتے ہیں۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C