ایران کی جانب سے افغان طالبان کو ایندھن کی فراہمی بحال

تہران (ڈیلی اردو/رائٹرز) ایرانی یونین برائے تیل، گیس اور پیٹرو کیمیکل مصنوعات برآمد کنندگان نے بیان دیا ہے کہ ایران نے طالبان کی درخواست کے بعد کچھ دن قبل افغانستان کو ایندھن کی فراہمی بحال کردی ہے۔

ترجمان کے مطابق طالبان نے پیٹرولیم مصنوعات کی برآمدات جاری رکھنے کا پیغام ایران کو بھیجا تھا۔

غیر ملکی خبر رساں ادارے رائٹرز کے مطابق طالبان نے ایران کو پیغام بھیجا تھا کہ پیٹرولیم مصنوعات کی برآمدات جاری رکھ سکتے ہیں جس کے بعد ایران نے پیٹرولیم مصنوعات کی برآمدات شروع کردی ہیں۔

Iran resumes fuel exports to Afghanistan after Taliban request, union says https://t.co/DLL9AdidLX

— Reuters Iran (@ReutersIran) August 23, 2021

رپورٹس میں کہا گیا ہے کہ گزشتہ ہفتے افغانستان میں پیٹرول کی قیمت 900 ڈالرز فی ٹن تک پہنچ گئی تھی جس کے بعد طالبان نے یہ پیغام پہنچایا۔

رائٹرز نے بتایا کہ طالبان نے ایرانی پیٹرولیم مصنوعات پر ٹیکس بھی 70 فیصد کم کردیا ہے۔

دوسری جانب ایران نے بھی افغان تجارت کیلئے سرحدیں کھلی رکھنے کا اعلان کیا ہے۔

رپورٹس کے مطابق طالبان اور ایران کے درمیان اس عمل کو دونوں ممالک کے مستقبل میں اچھے تعلقات کی نظر سے دیکھا جارہا ہے۔