برطانوی شہزادہ ولیم اور شہزادی کیٹ مڈلٹن چترال پہنچ گئے

چترال (ڈیلی اردو) پاکستان کے تاریخی دورے پر آئے برطانوی شہزادہ ولیم اور شہزادی کیٹ مڈلٹن پاکستان کے حسین علاقے کی سیر کرنے کیلئے چترال پہنچ گئے ہیں۔ شہزادہ ولیم اور شہزادی کیٹ مڈلٹن چترال میں خصوصی ثقافتی شو میں شرکت کریں گے اور مقامی افراد سے بھی ملاقاتیں کریں گے۔

تفصیلات کے مطابق گذشتہ شب اسلام آباد کے تفریحی مقامات کی سیر کے بعد برطانوی جوڑا آج چترال پہنچا، جہاں مقامی عمائدین اور اعلیٰ حکام نے ان کا روایتی انداز میں خیر مقدم کیا۔ چترال پہنچنے پر برطانوی شہزادہ ولیم اور شہزادی کیٹ مڈلٹن کو چترالی ٹوپیاں پیش کی گئیں۔

برطانوی شاہی جوڑا چترال میں مصروف دن گذارے گا اور معزز مہمان چترال کی ثقافت کو قریب سے دیکھیں گے اس کے علاوہ وہ مقامی لوگوں سے بھی ملاقات کرینگے۔