برکینا فاسو میں شدت پسندوں کا گاؤں پر حملہ، 33 شہری ہلاک

اواگادوگو (ڈیلی اردو) افریقی ملک برکینا فاسو میں مسلح شدت پسندوں کے حملے میں 33 شہری ہلاک اور متعدد زخمی ہوگئے۔

33 civilians killed in Burkina Faso 'terrorist' attackhttps://t.co/MngQU0FlnD pic.twitter.com/niK9JTmtyd

— NTV Kenya (@ntvkenya) May 14, 2023

عالمی خبر رساں ادارے کے مطابق برکینا فاسو میں مسلح افراد نے ایک دیہات پر دھاوا بول کر کئی گھروں کو اور املاک کو نذر آتش کردیا اور جان بچا کر بھاگنے کی کوشش کرنے والی دیہاتیوں پر گولیاں برسادیں۔

حملے میں کم سے کم 33 افراد ہلاک ہوگئے جب کہ 100 کے قریب زخمی ہیں جنھیں قریبی ہسپتال منتقل کردیا گیا ہے۔ ہلاک اور زخمی ہونے والوں میں خواتین اور بچے بھی شامل ہیں۔ حملہ آور جاتے ہوئے قیمتی اشیا بھی ساتھ لے گئے۔

شورش زدہ افریقی ملک برکینا فاسو میں گزشتہ برس دو بار فوجی بغاوتیں ہوئیں اور موجودہ عبوری حکومت کے صدر کیپٹن ابراہیم ترور نے القاعدہ اور داعش کے زیر تسلط ملک کے 40 فیصد علاقے کا قبضہ واگزار کرانے کا فیصلہ کیا ہے۔

گزشتہ برس سے شروع ہونے والی انارکی میں 10 ہزار سے زیادہ افراد ہلاک اور 20 لاکھ افراد بے گھر ہوچکے ہیں۔ 2015 سے برکینا فاسو کو شدت پسند تنظیموں کی کارروائی کا سامنا بھی رہا ہے۔