بلوچستان: تربت میں نامعلوم افراد کی فائرنگ سے اے این ایف کا ایک اہلکار ہلاک، دوسرا زخمی

کوئٹہ (ڈیلی اردو) صوبہ بلوچستان کے ضلع کیچ کی تحصیل تربت میں انٹی نارکوٹکس فورس (اے این ایف) کے اہلکاروں پر نامعلوم مسلح افراد کی فائرنگ سے ایک اہلکار جب کہ دوسرا شدید زخمی ہوگیا۔

https://twitter.com/ShabbirTuri/status/1476112509312864256?t=f_SINcSneyjJDwA4XvkQ6g&s=19

اینٹی نارکوٹکس فورس (اے این ایف) کے مطابق تربت میں اے این ایف اہلکاروں پر نامعلوم مسلح افراد نے فائرنگ کردی جس کے نتیجے میں ایک اہلکار ہلاک جبکہ دوسرا شدید زخمی ہوگیا۔

اے این ایف کا کہنا ہے کہ دونوں اہلکار ڈیوٹی سرانجام دے رہے تھے جب کہ ہلاک ہونے والے کانسٹیبل اشرق کا تعلق صوابی سے ہے۔

حملہ آور بعد میں فرار ہونے میں کامیاب ہوگئے جن کی تلاش کے لیے علاقے میں سرچ آپریشن شروع کردیا گیا ہے۔