بلوچستان: سبی کے علاقے سانگان میں بارودی سرنگ کا دھماکا، 2 افراد شدید زخمی

سبی (ڈیلی اردو) صوبہ بلوچستان ضلع کے سبی کی تحصیل سانگان میں بارودی سرنگ کے دھماکے میں دو افراد شدید زخمی ہو گئے۔

تفصیلات کے مطابق سبی کے علاقے سانگان میں بارودی سرنگ کا دھماکا ہوا، جس کے نتیجے میں دو افراد شدید زخمی ہوگئے۔

زخمیوں کو ہسپتال منتقل کر دیا گیا۔ واقعے کی اطلاع ملتے ہی سیکورٹی فورسز نے جائے وقوعہ پر پہنچ کر علاقے کو گھیرے میں لے لیا۔

لیویز کی ابتدائی تفتیش کے مطابق دھماکہ اس وقت ہوا جب ٹریکٹر ٹرالی سڑک سے گزر رہی تھی کہ نامعلوم دہشت گردوں کی جانب سے بچائی گئی بارودی سرنگ دھماکے کی زد میں آگئی۔ بارودی سرنگ دھماکے میں ٹریکٹر ٹرالی کے اگلے حصے کو بھی جزوی طور پر نقصان پہنچا۔

لیویز فورس کی جانب سے واقعے کی مزید تفتیش بھی کی جا رہی ہے۔