بلوچستان: سکیورٹی فورسز کا قلات میں آپریشن، 12 شدت پسند ہلاک

راولپنڈی (ک م) پاکستان کے شورش زدہ صوبے بلوچستان کے ضلع قلات میں سکیورٹی فورسز نے انٹیلی جنس بیسڈ آپریشن کے دوران 12 شدت پسند ہلاک کرنے کا دعویٰ کیا ہے۔

پاکستانی فوج کے شعبہ تعلقاتِ عامہ (آئی ایس پی آر) کے مطابق، چھ دسمبر کو سکیورٹی فورسز نے عسکریت پسندوں کی موجودگی کی اطلاع پر قلات میں آپریشن کیا۔

بیان میں کہا گیا ہے کہ آپریشن کے دوران سکیورٹی فورسز نے شدت پسندوں کے ٹھکانے کا پتہ لگا کر تبادلۂ فائر کیا، جس کے نتیجے میں 12 افراد ہلاک ہوئے۔

آئی ایس پی آر نے مزید بتایا کہ مارے جانے والے شدت پسند متعدد دہشت گرد کارروائیوں میں ملوث تھے اور ان کے قبضے سے اسلحہ، گولہ بارود اور دھماکہ خیز مواد بھی برآمد ہوا۔