بلوچستان: گوادر میں گاڑی پر فائرنگ سے دو افراد ہلاک

کوئٹہ (بیورو رپورٹ) صوبہ بلوچستان کے ساحلی ضلع گوادر میں فائرنگ کے ایک واقعے میں دو افراد ہلاک ہوگئے۔

تفصیلات کے مطابق گوادر کے علاقے جناح ایونیو میں نامعلوم مسلح افراد کی گاڑی پر فائرنگ کے نتیجے میں 2 افراد ہلاک ہوگئے۔

#targetedkilling unknown armed assailants opened fire on #Vehicle near #Jinnah Avenue of #Costal town #Gawadar #Balochistan the other day, at least two people were killed in the #Gunattack, @AC_Gwadar

— ???????? (@Info_Balochistn) June 6, 2020

پولیس کے مطابق واقعہ گذشتہ رات جناح ایونیوا لائیڈبنک کے قریب پیش آیا جہاں مسلح افراد نے گاڑی پر فائرنگ کی جس کے نتیجے میں دلمراد ولد میاہ سکنہ ناگمان وارڈ گوادر موقع پر چل بسا جبکہ در محمد ولد محمد حسین عرف درو شدید زخمی ہوگیا۔ بعد ازاں زخمی در محمد سکنہ ٹو باغ وارڈ گوادر جی ڈی اے ہسپتال میں دوران علاج زخموں کی تاب نہ لاتے ہوئے جان کی بازی ہار گیا۔

دوسری طرف پولیس نے واقعے کا مقدمہ درج کرلیا ہے۔

دریں اثنا دکی کے علاقے سگھر میں بھی نامعلوم افراد نے فائرنگ کر کے ایک شخص کو ہلاک کر دیا۔

دونوں حملوں کے محرکات تاحال معلوم نہیں ہوسکے۔