بنوں اور لکی مروت میں سیکورٹی فورسز کے آپریشنز: 31 پاکستانی طالبان ہلاک

راولپنڈی (ک م) پاکستان کے شورش زدہ صوبے خیبر پختونخوا میں سیکیورٹی فورسز کی جانب سے انٹیلی جنس معلومات پر مبنی دو مختلف کارروائیوں کے دوران تحریک طالبان پاکستان (ٹی ٹی پی) کے 31 دہشت گرد ہلاک ہوگئے۔

پاکستانی فوج کے شعبہ تعلقات عامہ (آئی ایس پی آر) کے مطابق 13 اور 14 ستمبر کو سیکیورٹی فورسز نے خیبرپختونخوا میں 2 مختلف آپریشنز کیے، جن میں ٹی ٹی پی کے 31 دہشت گرد مارے گئے۔

ترجمان پاک فوج نے بتایا کہ ضلع لکی مروت میں انٹیلی جنس بنیاد پر آپریشن کیا گیا جس میں سیکیورٹی فورسز نے دہشت گردوں کے ٹھکانوں کو نشانہ بنایا۔ شدید فائرنگ کے تبادلے کے بعد 14 دہشت گرد ہلاک ہوگئے۔

ترجمان کے مطابق سیکیورٹی فورسز کی دوسری کارروائی ضلع بنوں میں کی گئی، جہاں آپریشن کے دوران مزید 17 دہشت گرد مارے گئے۔

آئی ایس پی آر کا کہنا ہے کہ کسی بھی دہشت گرد تنظیم کے خاتمے کے لیے علاقے میں کلیئرنس آپریشن جاری ہے اور ملک سے دہشت گردی کی لعنت کو جڑ سے اکھاڑ پھینکا جائے گا۔

واضح رہے کہ 11 ستمبر 2025 کو سیکیورٹی فورسز نے لوئر دیر کے علاقے لال قلعہ میدان میں بھی آپریشن کیا تھا، جس میں تحریک طالبان پاکستان کے 10 دہشت گرد مارے گئے تھے۔

تاہم اس کارروائی میں شدید فائرنگ کے تبادلے کے دوران وطن کے 7 جوان ہلاک ہوگئے۔ ان سویلین کو دہشت گردوں نے یرغمال بنا رکھا تھا، جنہیں فورسز نے بچانے کی کوشش کی۔

‏پاکستان، کالعدم تحریک طالبان پاکستان (ٹی ٹی پی) سے تعلق رکھنے والے عسکریت پسندوں کیلئے خوارج کی اصطلاح استعمال کرتا ہے۔