بنوں سے تحریک طالبان پاکستان کا انتہائی مطلوب دہشت گرد گرفتار، سر کی قیمت 20 لاکھ مقرر تھی

اسلام آباد (ش ح ط) صوبہ خیبر پختونخوا کے ضلع بنوں میں سی ٹی ڈی نے کارروائی کرتے ہوئے کالعدم تنظیم کے انتہائی مطلوب دہشت گرد کو گرفتار کر لیا۔

تفصیلات کے مطابق بنوں کے علاقے منڈی بکا خیل سے کالعدم تنظیم کے انتہائی مطلوب دہشت گرد نیک ولی ولد جانوز خان سکنہ جانی خیل کو گرفتار کر لیا گیا۔ نیک ولی کا تعلق کالعدم تنظیم تحریک طالبان پاکستان (ٹی ٹی پی) کمانڈر زرگل کے گریڑہ امام شاہ گروپ سے بتایا جاتا ہے۔

https://twitter.com/ShabbirTuri/status/1499089589281050625?t=ItGEXXdSwaBPEQSy6wqUyw&s=19

گرفتار دہشت گرد بم دھماکوں اور دہشت گردی کی متعدد وارداتوں میں مطلوب تھا اور صوبائی حکومت نے مذکورہ گرفتار دہشت گرد نیک ولی کے سر کی قیمت 20 لاکھ روپے مقرر کر رکھی تھی۔

سی ٹی ڈی کی جانب سے گرفتار دہشت گرد کو تفتیش کے لیے نامعلوم مقام پر منتقل کر دیا گیا ہے۔