بنوں میں باران ڈیم چیک پوسٹ پر حملہ، سیکورٹی فورسز کا ایک اہلکار ہلاک، 5 زخمی

بنوں (نمائندہ ڈیلی اردو) صوبہ خیبر پختون خوا کے ضلع بنوں میں عسکریت پسندوں نے فرنٹیئر کانسٹیبلری کے چیک پوسٹ پر حملہ کیا ہے۔

ابتدائی اطلاعات کے مطابق باران ڈیم باغ حملے میں خطاب الرحمن نامی اہلکار ہلاک ہوگیا ہے جبکہ 5 اہلکار زخمی ہوگئے ہیں جن میں دو کی حالت تشویشناک بتائی جاتی ہے۔

ذرائع کے مطابق زخمیوں میں سیدان اللہ، لاج میر، خانان، عبدالجبار اور سمیع اللہ شامل ہے۔

دہشت گردی کا دوسرا واقعہ بنوں میرانشاہ روڈ پر تھانہ بکاخیل کی حدود میں اس وقت رونما ہوا جب شمالی وزیرستان سے فورسز کے زخمی اہلکاروں کو سی ایم ایچ بنوں منتقل کیا جا رہا تھا۔ شدت پسندوں نے گاڑیوں پر فائرنگ کی تاہم کوئی نقصان نہیں ہوا۔

خیال رہے کہ گزشتہ روز باڑہ کے علاقے قمبر آباد میں شدت پسندوان کی فائرنگ سے خیبر پولیس کے اہلکار عبدالولی سمیت تین افراد ہلاک جبکہ دو افراد زخمی ہو گئے تھے۔