بنوں میں دہشت گردوں کی فائرنگ سے پولیس کمانڈو ہلاک

بنوں (نمائندہ ڈیلی اردو) صوبہ خیبرپختونخوا کے ضلع بنوں میں نامعلوم مسلح افراد نے پولیس کمانڈو کو فائرنگ کر کے ہلاک کردیا۔

یہ واقعہ بروز پیر کو تھانہ منڈان کی حدود میں پیش آیا جہاں افتخار خان نامی پولیس اہلکار کو نامعلوم دہشت گردوں نے گولی مار کر ہلاک کردیا اور حملہ آور فرار ہونے میں کامیاب ہوگئے۔

https://twitter.com/ShabbirTuri/status/1515983121283366912?t=6BoNHLVdP6ogSpyP7klB3g&s=19

واقعے کی ذمہ داری ترجمان تحریک طالبان پاکستان محمد خراسانی نے قبول کی، جبکہ ضلعی پولیس نے واقعے کی تصدیق بھی کرلی۔

کے پی کے پولیس کا کہنا تھا کہ اس سے قبل افتخار کا بھائی بھی وطن پر قربان ہوا ہےـ

شہید گھرانے کا ایک اور سپوت مادر وطن پر قربان

کانسٹیبل افتخار منڈان پارک بنوں کے قریب نامعلوم شرپسندوں کی فائرنگ سے شہادت کے عظیم مرتبے پر فائز ہوگئے۔

شہید کا دوسرا بھائی شاہ زیب خان بھی دوران ڈیوٹی شہید ہوچکا ہے۔#KPPolice#Shaheed_Constable_Iftikhar pic.twitter.com/hnZLpH7IQC

— KP Police (@KP_Police1) April 18, 2022