بنوں میں فوجی چیک پوسٹ پر فائرنگ، سپاہی سرفراز ہلاک

راولپنڈی (بیورو رپورٹ) صوبہ خیبرپختونخوا کے ضلع بنوں میں فوجی چیک پوسٹ پر دہشت گردوں نے فائرنگ کی اور فائرنگ کے تبادلے کے دوران پاکستانی فوج کا ایک سپاہی ہلاک ہوگیا۔

پاکستانی فوج کے شعبہ تعلقات عامہ (آئی ایس پی آر) سے جاری بیان میں کہا گیا کہ ضلع بنوں کے علاقے جانی خیل میں 13 اور 14 جنوری کی درمیانی رات کو دہشت گردوں نے ایک فوجی چیک پوسٹ پر فائرنگ کی۔

بیان میں کہا گیا کہ پاک فوج کے جوانوں جوابی کارروائی شروع کی اور دہشت گردوں سے اسی جگہ پر مؤثر انداز میں مقابلہ کیا۔

آئی ایس پی آر کا کہنا تھا کہ شدید فائرنگ کے تبادلے کے دوران صوبہ پنجاب کے ضلع وہاڑی سے تعلق رکھنے والے 26 سالہ سپاہی سرفراز علی ہلاک ہوگئے۔