بنوں میں پشتون تحفظ موومنٹ کا بڑا جلسہ

بنوں (ڈیلی اردو) صوبہ خیبر پختونخوا کے قبائلی ضلع شمالی وزیرستان سے منتخب رکن قومی اسمبلی و پشتون تحفظ موومنٹ (پی ٹی ایم) کے مرکزی رہنما محسن داوڑ نے کہا ہے کہ پی ٹی ایم ہی کی وجہ سے آج پشتونوں کو حکومتی اداروں میں عزت کی نگاہ سے دیکھا جاتا ہے اوراُن کے مسائل عالمی سطح پر اجاگر ہورہے ہیں جس کا ثبوت راؤ انوار پر عالمی پابندیاں ہے۔

تفصیلات کے مطابق اتوار کو بنوں میں پی ٹی ایم کے جلسے میں ہزاروں لوگوں نے شرکت کی۔ تنظیم نے اس طرح کا اجتماع کوئی سات ماہ کے وقفے کے بعد کیا۔ منظور پشتین نے جلسے سے اپنے خطاب میں کہا کہ اسٹیبلشمنٹ کا یہ خیال تھا کہ اب پی ٹی ایم بڑا جلسہ کرنے کے قابل نہیں رہی لیکن اس جلسے نے انہیں غلط ثابت کر دکھايا۔

انہوں نے شرکا کو مخاطب کرتے ہوئے کہا کہ ’آپ لوگ مایوس نہیں ہوں گے ۔جلسہ سے خطاب کرتے ہوئے پی ٹی ایم کے سربراہ منظور پشتین نے کہا کہ وہ تمام سیاسی پارٹیوں کے ساتھ بیٹھ کر پشتونوں کے حقوق کی بات کو آگے لے کر جانا چاہتے ہیں۔

انہوں نے کسی کام نام لئے بغیر کہا کہ ’پی ٹی ایم کو اگر کوئی گالی بھی دے، جو مرضی الزام لگائے لیکن ہم پھر بھی ملک کی تمام سیاسی پارٹیوں کے ساتھ اتحاد کرنے اور ان کے ساتھ بیٹھ کر پشتونوں کے مسائل حل کرنے کیلئے تیار ہیں۔

انہوں نے جلسے کے شرکا کو مخاطب کرتے ہوئے کہا کہ آپ لوگ میرے ساتھ وعدہ کریں کہ ہم سیاسی پارٹیوں کے سربراہان کے پاس جرگہ لے کر جائیں گے تاکہ ہم مل کر پشتونوں کے حقوق کی بات کر سکیں چاہے وہ اسفندیار ولی خان ہوں، محمود خان اچکزئی ہوں، مولانا فضل الرحمن ہوں یا آفتاب شیرپاؤ، ہم ان کے پاس جائیں گے۔

دیگر سیاسی پارٹیوں پر تنقید اور ان کے سربراہان کے خلاف باتیں کرنے کے حوالے سے منظور پشتین کا کہنا تھا کہ اس مجمعے میں اگر کوئی کسی بھی سیاسی لیڈر کے خلاف کچھ بھی کہتا ہے تو وہ اس کا ذاتی فعل ہوگا اوروہ پی ٹی ایم کا موقف بالکل نہیں ہوگا۔

انہوں نے کہا کہ ہم ہر مظلوم کے ساتھ ہیں چاہے اس کا تعلق کسی بھی پارٹی یا تنظیم سے ہو۔ ہم اس کے لئے آواز اٹھائیں گے اور اس کے حقوق پر کسی قسم کا سمجھوتہ نہیں کریں گے۔

اپنے خطاب کے آخر میں انھوں نے پی ٹی ایم کے یوم تاسیس کے سلسلے میں دو فروری کو کوئٹہ میں جلسے کا اعلان کرتے ہوئے کہا کہ جلسوں کا یہ سلسلہ دوبارہ شروع ہوگیا ہے اور اس کے بعد مردان، چارسدہ سمیت دیگر مختلف اضلاع میں جلسے منعقد کریں گے۔

رکن قومی اسمبلی محسن داوڑ نے کہا کہ فوج کے ترجمان نے کہا تھا کہ پی ٹی ایم کا وقت ختم ہو چکا ہے لیکن اس جلسے نے ان کے دعوے کو غلط ثابت کیا۔ علی وزیر نے جلسے سے اپنے خطاب میں کہا کہ پارلیمنٹ کے نمائندے اسمبلی میں عوامی جذبات کی ترجمانی نہیں کرتے۔

Thank u people of Bannu for defying this cold weather as well as the tactics of our cold hearted State. #PashtunLongMarch2Bannu proved that things such as football & Kabadi r far lower on ur list of priorities than justice for target killings, missing persons & #KharQamarMassacre pic.twitter.com/UKzC0gTpU3

— Mohsin Dawar (@mjdawar) January 12, 2020

پی ٹی ایم کی رہنما ثناء اعجاز نے کہا، ”قبائلی علاقوں میں ملٹری آپریشن ہوئے اور کہا گیا کہ یہ علاقے دہشت گردوں سے پاک ہو گئے ہیں لیکن کچھ عرصے سے ان علاقے کے لوگ نامعلوم افراد کے ہاتھوں قتل ہو رہے ہیں۔ ہم اس جلسے کے ذریعے حکومت کو پیغام دینا چاہتے ہیں کہ اب پشتون خاموش نہیں بیٹھیں گے۔‘‘

Why are we pushed to the wall when we’re having a very clear line of action and agitating through the non-violent philosophy of politics, why are our basic human rights violated by the state, why our motherland is still used as a terrorist launching pad?#PashtunLongMarch2Bannu pic.twitter.com/fIBoxr257q

— Sanna Ejaz(سیاله) (@sanaejaz2) January 12, 2020

پی ٹی ایم کی جانب سے سات ماہ کے بعد ضلع بنوں میں جلسے کا اہتمام کیا گیا جس میں تنظیم کے سربراہ منظور پشتین سمیت ارکان قومی اسمبلی محسن داوڑ، علی وزیر اور صوبائی اسمبلی کے رکن میر کلام وزیر کے بھی شرکت کی۔

Massive #PashtunLongMarch2Bannu – #AgentsOfPeace #VoiceOfPashtuns victims of State's suicidal strategic depth policies. #TruthCommission pic.twitter.com/SKqVjwDCqU

— Bushra Gohar (@BushraGohar) January 12, 2020

واضح رہے کہ پی ٹی ایم نے ماضی میں ریاستی اداروں پر مختلف الزامات لگائے ہیں جن میں لاپتہ افراد کا معاملہ سر فہرست ہے۔ پی ٹی ایم کا موقف رہا ہے کہ بغیر کسی ثبوت کے ریاستی اداروں کی جانب سے لوگوں کو لاپتہ کیا جاتا ہے اور کسی بھی عدالت میں پیش نہیں کیا جاتا۔

تاہم پی ٹی ایم کی جانب سے لگائے گئے تمام الزامات کی تردید پاکستان کے ریاستی اداروں اور حکومتی وزرا نے مختلف مواقعوں پر کی ہے۔

جلسے میں لاپتہ افراد کے لواحقین نے بڑی تعداد میں شرکت کی جبکہ سٹیج پر بھی پشتون لاپتہ افراد کے عزیز و اقارب تصاویر اور پلے کارڈز لیے بیٹھے رہے۔