بنوں: کینٹ پولیس اسٹیشن پر دستی بم کے حملے میں 3 پولیس اہلکار زخمی

اسلام آباد (ش ح ط) صوبہ خیبر پختونخوا کے ضلع بنوں میں حکام کا کہنا ہے کہ رات گئے کینٹ پولیس اسٹیشن پر دستی بم حملے میں تین پولیس اہلکار زخمی ہوئے ہیں جن میں سے ایک کی حالت تشویشناک بتائی جاتی ہے۔

بنوں کے کینٹ پولیس اسٹیشن پر دستی بم سے حملہ، دستی بم حملے کے نتیجے میں پولیس اسٹیشن کے گیٹ کو جزوی طور پر نقصان، عملہ محفوظ ہے، پولیس#Bannu #Pakistan @Natsecjeff

— Shabbir Hussain Turi (@ShabbirTuri) March 10, 2022

تفصیلات کے مطابق بنوں کینٹ پولیس اسٹیشن کے مین گیٹ پر نامعلوم موٹر سائیکل سواروں نے دستی بم پھینکا جس سے پولیس اسٹیشن کے گیٹ کو جزوی نقصان پہنچا۔ پولیس حکام کا کہنا ہے کہ دستی بم حملے میں تین اہلکار زخمی ہوگئے۔ زخمیوں کو طبی امداد کیلئے قریبی ہسپتال لیجایا گیا ہے۔

بنوں : ریجنل پولیس آفیسر سید اشفاق انور اور ڈسٹرکٹ پولیس آفیسر عمران شاہد کی گذشتہ شب شرپسند عناصر کیساتھ مقابلے میں زخمی ہونیوالے اہلکار کی عیادت کیلئے ڈسڑکٹ ہیڈکوارٹر ہسپتال بنوں آمد، انہوں نے زخمی پولیس کانسٹیبل کو پھولوں کا گلدستہ پیش کیا اور امدادی رقم بھی فراہم کی۔ pic.twitter.com/hRMRnGyjBf

— KP Police (@KP_Police1) March 10, 2022

واقعے کے فورا بعد اعلیٰ پولیس اہلکار وہاں پہنچ گئے اور تحقیقات شروع کر دی گئی ہیں۔

خیال رہے کہ گرشتہ روز بھی بنوں میں دہشت گردوں نے پولیس چوکی پر حملہ کیا تھا جس کے نتیجے میں دو اہلکار زخمی ہوگئے تھے۔

https://twitter.com/ShabbirTuri/status/1501577177321639939?t=W7AYmLgL4rVmWpaFb0M1dA&s=19

دوسری جانب کالعدم تحریک طالبان پاکستان کے ترجمان محمد خراسانی نے میڈیا کو جاری کردہ ایک بیان میں کینٹ پولیس اسٹیشن پر حملے کی ذمہ داری قبول کرلی ہے۔