بھارت: بنگلورو میں دھماکا، 8 افراد زخمی

نئی دہلی (ڈیلی اردو/رائٹرز) بھارتی ریاست کرناٹکا کے دارالحکومت بنگلورو میں رامیشور کیفے میں ایک زور دار دھماکے میں 8 افراد زخمی ہوگئے۔

غیر ملکی خبر رساں ادارے ’رائٹرز‘ کے مطابق شہر کے مشرق میں واقع رامیشورم کیفے میں دھماکا دوپہر ایک بجے کے بعد ہوا جب قریبی دفاتر سے لوگوں کی بڑی تعداد کھانے کیلئے قطار میں کھڑے تھے۔

کرناٹک ریاست کے وزیراعلیٰ نے صحافیوں کو بتایا کہ ’’ایسا لگتا ہے کہ کوئی بیگ رکھ کر چلا گیا اور وہ پھٹ گیا، یہ کوئی بڑا دھماکا نہیں تھا۔ دوسری جانب تفتیش کاروں کو شبہ ہے کہ یہ ایک دیسی ساختہ دھماکا خیز آلہ تھا۔

ریاستی وزیر داخلہ جی پرمیشورا نے کہا کہ تمام زخمی ہسپتال میں ہیں اور ان میں سے کسی کو خطرہ نہیں ہے۔