بھتہ دینے سے انکار: طالبان نے 60 ٹرک ڈرائیوروں کو اغوا کرلیا

کابل (نیوز ڈیسک) افغان طالبان نے ساٹھ ٹرک ڈرائیوروں کو اغوا کر لیا ہے۔طالبان نے مطالبہ کیا تھا کہ یہ ڈرائیوار انہیں ہر ماہ سات ہزار افغانی روپے ادا کریں۔

تفصیلات کے مطابق یہ واقع گزشتہ روز افغانستان کے صوبے سمنگان میں پیش آیا، طالبان کی جانب سے مغوی ٹرک ڈرائیور سے ہر ماہ ٹیکس (بھتہ) کی مد میں ایک مخصوص رقم کا مطالبہ کیا جارہا تھا، عدم ادائیگی پر اغوا کی کارروائی عمل میں لائی گئی۔

Taliban militants have abducted 60 truck drivers in #Samangan province, said Raz Mohammad Muahdi, the head of Samangan provincial council. pic.twitter.com/Tnb7bleEbi

— Ariana News (@ArianaNews_) April 11, 2019

غیرملکی خبررساں ادارے کے مطابق مقامی حکام نے بتایاکہ ان ڈرائیوروں نے جنگجوؤں کو غیر قانونی ٹیکس (بھتہ) دینے سے انکار کیا تھا، جس کے بعد یہ کارروائی کی گئی۔

صوبائی کونسل کے سربراہ حاجی راز محمد کے مطابق طالبان نے دارالسوف میں ایک چیک پوائنٹ قائم کی اور وہاں سے جو ٹرک بھی گزرا اس کے ڈرائیور کو اغوا کر لیا۔ طالبان نے مطالبہ کیا تھا کہ یہ ڈرائیوار انہیں ہر ماہ ٹیکس کی رقم ادا کریں۔