جنوبی وزیرستان: دہشت گردوں نے نوجوان کو اغوا کر لیا

وانا (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع جنوبی وزیرستان کے علاقے دژہ غونڈئی میں دہشت گردوں نے ایک نوجوان کو اغوا کر لیا۔ 

واقعہ اس وقت پیش آیا جب امجد نامی نوجوان پیٹرول پمپ پر موجود تھا کہ نامعلوم مسلح افراد اسے زبردستی اپنے ساتھ لے گئے۔

پولیس ذرائع کے مطابق مغوی امجد ولد شیر ایک کاروباری نوجوان ہے، جبکہ واقعے کی تحقیقات شروع کر دی گئی ہیں اور مغوی کی بازیابی کے لیے اقدامات کیے جا رہے ہیں۔

دوسری جانب وانا اور گرد و نواح میں اغوا برائے تاوان کے بڑھتے ہوئے واقعات پر اہل علاقہ نے شدید تشویش کا اظہار کیا ہے۔ 

مقامی افراد کا کہنا ہے کہ حالیہ واقعے نے علاقے میں خوف و ہراس کی فضا کو مزید بڑھا دیا ہے۔