جنوبی وزیرستان میں انگور اڈا کے قریب دھماکا، 3 افراد ہلاک

وانا (ڈیلی اردو) صوبہ خیبر پختونخوا کے قبائلی ضلع جنوبی وزیرستان کے صدر مقام وانا سے 40 کلو میٹر دور سرحدی علاقے انگور اڈا کے قریب گاڑی میں دھماکے سے تین افراد ہلاک ہوگئے۔

تفصیلات کے مطابق پیر کی شام جنوبی وزیرستان کے علاقے میں افغان بارڈر کے نزدیک دھماکا ہوا۔

یہ دھماکا انگور اڈا بارڈر کے نزدیک افغانستان سائیڈ پر ہوا۔ ایک گاڑی کو ریموٹ کنٹرول بم کے ذریعے نشانہ بنایا گیا۔ مقامی ذرائع نے بتایا کہ اس دھماکے میں صدیق اللہ, نور والی شاہ, خیر محمد ہلاک ہوگئے۔

ذرائع نے مزید بتایا کہ بم سڑک کے کنارے نصب تھا۔ اس بم دھماکے کے نتیجے میں گاڑی مکمل طور پر تباہ ہوگئی۔

تمام افراد کا تعلق شہباراز گنگی خیل وزیر کے گھرانے سے بتایا جاتا ہے۔ زخمیوں کو بروقت طبی امداد کیلئے ڈسٹرکٹ ہیڈ کوارٹرز ہسپتال منتقل کردیا گیا۔