جنوبی وزیرستان میں بارودی سرنگ کا دھماکا، 3 بچے ہلاک

وانا (ڈیلی اردو) صوبہ خیبر پختونخوا کے قبائلی ضلع جنوبی وزیرستان کے علاقے مندوکئی میں بارودی سرنگ کے دھماکے میں تین بچے ہلاک جبکہ ایک شدید زخمی ہو گیا۔

پولیس کے مطابق والی بال میچ دیکھنے اپنے گھر سے کھیل میدان کی طرف پہاڑ کے راستے جارہے تھے کہ راستے میں بارودی سرنگ کا دھماکہ ہوا۔

دھماکے کے نتیجے میں نقیم اللہ، نور محمد، اور فخرالدین ہلاک جبکہ حکمت اللہ شدید زخمی ہوا ہے۔ لاشوں اور زخمی بچے کو پاک فوج کے جوانوں نے ریسکیو کیا۔

ڈی پی او کے مطابق زخمی بچےکو مقامی ہسپتال میں ابتدائی طبی امداد دینےکے بعد ڈیرہ اسماعیل خان بھیج دیا گیا ہے۔

پولیس کے مطابق تمام بچوں کی عمریں 10 سے 12 سال کے درمیان ہے۔