جنوبی وزیرستان میں خودکش دھماکا، ایک اہلکار ہلاک، 4 زخمی

اسلام آباد (ش ح ط) صوبہ خیبر پختونخوا کے قبائلی ضلع جنوبی وزیرستان میں ایک خودکش بم حملے میں ایک سیکیورٹی فورسز کا اہلکار ہلاک اور چار اہلکار زخمی ہوگئے۔

تفصیلات کے مطابق دھماکا پیر کے روز جنوبی وزیرستان کی تحصیل لدھا کے علاقے بدر بریج کے قریب ہوا۔

https://twitter.com/ShabbirTuri/status/1437375558585708544?s=19

سرکاری ذرائع کے مطابق خودکش دھماکے میں ايف سی کی گاڑی کو نشانہ بنایا گیا، جو معمول کے گشت پر تھی۔

ذرائع کا مزید کہنا تھا کہ حملہ آور نے موٹر سائیکل کے ذریعے سیکیورٹی فورسز کی گاڑی کو نشانہ بنایا۔ خودکش حملے میں ایک سیکیورٹی اہلکار ہلاک اور چار زخمی ہو گئے۔

ہلاک ہونے والے اہلکار کی شناخت سپاہی وقاض خان کے نام سے ہوئی ہے جبکہ حوالدار منصور، سپاہی حامد، سپاہی فرمان اور سپاہی وقاص خان زخمی ہوگئے ہیں۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کر لی۔

https://twitter.com/ShabbirTuri/status/1437445625235140611?s=19

ترجمان محمد خراسانی نے دعوی کیا ہے کہ حملے میں دو افسران سمیت دس سے زائد اہلکار ہلاک و زخمی ہوگئے۔