جنوبی وزیرستان میں پولیو ٹیم پر فائرنگ سے پولیس اہلکار ہلاک

اسلام آباد (ش ح ط) صوبہ خیبر پختونخوا کے قبائلی ضلع جنوبی وزیرستان میں فائرنگ سے انسداد پولیو ٹیم کی حفاظت پر مامور پولیس اہلکار ہلاک ہوگیا ہے۔

#Pakistan: A policeman, who was deployed for providing security to the anti-polio vaccination team, was shot dead in the Ragzai area of South Waziristan district.

A pro-TTP channel reported that TTP militants shot him dead this afternoon. https://t.co/mFswHxQCgG

— ???? (@cozyduke_apt29) April 5, 2024

تفصیلات کے مطابق جنوبی وزیرستان کے نواحی گاؤں مانڑہ میں پولیو ٹیم پر نامعلوم مسلح افراد نے فائرنگ کی ہے جس کے نتیجے میں ٹیم کی حفاظت پر مامور پولیس اہلکار رحیم اللہ محسود عرف کمانڈو ہلاک ہوگیا۔

واقعے کے بعد حملہ آور فرار ہوگیا جبکہ پولیس کی بھاری نفری موقع پر پہنچ گئی۔

پولیس کے مطابق نامعلوم حملہ آور موقع سے فرار ہونے میں کامیاب ہو گئے۔

انسدادِ پولیو کی ٹیم پر اس حملے کی ذمہ داری کالعدم تحریک طالبان پاکستان نے قبول کرلی۔