جوہری صلاحیت کے حامل سپر تارپیڈو کا کامیاب تجربہ کر لیا، روسی صدر پوٹن

ماسکو (ڈیلی اردو ) روسی صدر ولادیمیر پوٹن نے بدھ کے روز کہا کہ روس نے جوہری صلاحیت کے حامل ’’پوسائیڈن‘‘ سپر تارپیڈو کا کامیاب تجربہ کیا ہے۔

پوٹن کے مطابق پہلی بار اسے ایک کیریئر آبدوز سے لانچ انجن کے ذریعے داغا گیا اور اس کا نیوکلیئر پاور یونٹ بھی فعال کیا گیا جو ایک مخصوص عرصے تک چلتا رہا۔ انہوں نے اسے ’’بہت بڑی کامیابی‘‘ قرار دیتے ہوئے کہا کہ پوسائیڈن کی طاقت بین البراعظمی میزائل سے بھی زیادہ ہے۔

امریکی اور روسی حکام پوسائیڈن کو ایک نیا ہتھیار قرار دیتے ہیں جو سمندر میں تابکار لہریں پیدا کر کے ساحلی شہروں کو رہنے کے قابل نہیں چھوڑتا۔ صدر پوٹن نے یہ اعلان یوکرینی جنگ میں زخمی ہونے والے روسی فوجیوں سے خطاب کے دوران کیا۔