خلیج عُمان میں دو ٹینکروں پر دھماکے، آگ بھڑک اُٹھی

دبئی (نیوز ڈیسک) خلیج عمان میں دو تیل بردار بحری جہازوں پر حملہ ہوا جس کے بعد ایک بحری جہاز میں آگ بھڑک اُٹھی۔

غیرملکی خبررساں ادارے کے مطابق 2 بحری جہاز متحدہ عرب امارات میں تیل بھروانے کے بعد سنگاپور کی طرف جارہے تھے کہ اس دوران خلیج عمان میں دونوں تیل بردار جہازوں پر حملہ کیا گیا جس کے بعد ایک جہاز میں آگ لگ گئی تاہم دونوں بحری جہازوں سے عملے کو باحفاظت نکال لیا گیا۔

Aerial footage shows one of the oil tankers targeted in the Sea of Oman#SeaofOman pic.twitter.com/mdvEPPT3J4

— Press TV ???? (@PressTV) June 13, 2019

رپورٹ کے مطابق حملے میں کوئی جانی نقصان نہیں ہوا ہے، جہاز پر سوار عملے کے 23 ارکان خیریت سے ہیں جنہیں قریبی دوسرے بحری جہاز پر منتقل کردیا گیا ہے، عملے کے زیادہ تر افراد کا تعلق روس، جارجیا اور فلپائن سے ہے۔

#Photos: Oil tankers in Oman Sea hit in attack #Iran #OilTanker #SeaOfOman https://t.co/hCeJPvbbZJ pic.twitter.com/UIxtGqJrbr

— Today Headlines | خبرهای روز (@Iran) June 13, 2019

ایک بحری جہاز مارشل آئی لینڈ کے پرچم تلے سفر کررہا تھا اور ناروے کی فرنٹ لائن نامی جہاز ران کمپنی کے بیڑے میں شامل ہے، فرنٹ آلٹیٹر پر یو اے ای کے الفجیرہ نامی بندرگاہ سے تیل بھرا گیا تھا۔

حملے کا نشانہ بننے والا دوسرا بحری جہاز جاپانی کمپنی کا تھا اور اس پر میتھنول لدا ہوا تھا، جہاز بیرہائرڈ شلئے نامی شپنگ کمپنی کی ملکیت ہے اور جہاز کے دائیں حصے کو نقصان پہنچا ہے۔

????تصاویری از آتش سوزی یک نفتکش خارجی در دریای عمان

 دو نفتکش ژاپنی و نروژی صبح امروز در آب‌های خلیج عمان دچار حادثه شده و در پی آن انفجارها و آتش سوزی‌هایی در این دو نفتکش رخ داد. بعد از این حادثه کادر این دو نفتکش تخلیه شدند.https://t.co/F5n3TZLWDe pic.twitter.com/vYiFucGapk

— خبرگزاری ایسنا (@isna_farsi) June 13, 2019

دوسری جانب امریکی نیوی کا کہنا ہے کہ انہیں خلیج عمان میں سفر کرنے والے تیل کی ترسیل کے دو بحری جہازوں کی جانب سے ہنگامی مدد کی کال موصول ہوئی تھی، ان بحری جہازوں کو مبینہ طور پر حملے کا نشانہ بنایا گیا۔

امریکی نیوی کا کہنا ہے کہ متاثرہ جہازوں کی مدد میں مصروف ہیں، برطانوی نیوی کی جانب سے بھی تیل بردار بحری جہازوں پر حملے کی تصدیق کی گئی ہے۔

#BREAKING: @US5thFleet official statement regarding shipping vessels in #GulfOfOman. #USNavy's #USSBainbridge rendering assistance – https://t.co/2bhOXQxO5z pic.twitter.com/V74UV2awBP

— U.S. Navy (@USNavy) June 13, 2019

یاد رہے کہ ایک ماہ قبل بھی خلیج عمان میں اسی طرح کے حملے میں 4 بحری جہازوں کو نشانہ بنایا گیا تھا۔