خیبر: باڑہ میں دہشت گردوں کے حملے میں آئی بی انسپکٹر سمیت 5 افراد ہلاک، 2 اہلکار زخمی

اسلام آباد (ش ح ط) صوبہ خیبر پختونخوا کے قبائلی ضلع خیبر میں پولیس کی چیک پوسٹ پر نامعلوم مسلح افراد کے حملے میں انٹیلی جنس بیورو (آئی بی) کے انسپکٹر سمیت پانچ افراد ہلاک جبکہ دو پولیس اہلکار زخمی ہوگئے۔

یہ حملہ بدھ کی شام اُس وقت ہوا جب نامعلوم مسلح افراد نے خیبر کی تحصیل باڑہ کے علاقے عجب تلاب کے قریب میل وٹ چیک پوسٹ پر حملہ کیا۔

https://twitter.com/ShabbirTuri/status/1516861392313552896?t=02LYmWqzneqasX_LXXgoTw&s=19

مقامی ذرائع کے مطابق دہشت گردوں نے پولیس کی چیک پوسٹ پر فائرنگ کی جس سے وہاں موجود انٹیلی جنس بیورو (آئی بی) کے انسپکٹر امجد آفریدی، پولیس اہلکار ایوب آفریدی سمیت پانچ افراد ہلاک ہوگئے جبکہ چیک پوسٹ پر تعینات اے ایس آئی ناصر سمیت دو پولیس اہلکار بھی شدید زخمی ہوگئے۔ اطلاعات کے مطابق اہلکاروں کو افطاری کے دوران فائرنگ کا نشانہ بنایا گیا۔ ہلاک ہونے والوں میں تین عام شہری بھی شامل ہیں۔

Unknown 2 armed assailants barged into Ajab Talab Police checkpost near Mattani town of #KPK, opened indiscriminate fire & left five dead including an officer of Intelligence Bureau Ins Amjad, in a counter attack one attacker was also killed & another managed to escape, pic.twitter.com/nEsiDAVw82

— ???????? (@Info_Balochistn) April 20, 2022

پولیس اور مسلح افراد کے درمیان فائرنگ کا تبادلہ بھی ہوا ہے اور جوابی کارروائی میں ایک مسلح حملہ آور ہلاک جبکہ باقی فرار ہو گئے۔

مقامی ذرائع کا کہنا ہے کہ واقعے کے بعد سکیورٹی فورسز نے جائے وقوعہ اور اردگرد کے علاقوں میں سرچ آپریشن کا آغاز کردیا ہے۔

دوسری جانب کالعدم تحریک طالبان پاکستان (ٹی ٹی پی) نے اس حملے کہ ذمہ داری قبول کرلی ہے۔