خیبر میں دہشت گردوں کی فائرنگ، سکیورٹی اہلکار ہلاک

خیبر (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع خیبر میں عید کی خوشیاں اس وقت ماتم میں بدل گئیں جب دہشتگردوں کی فائرنگ سے سکیورٹی فورسز کا ایک اہلکار ہلاک ہو گیا۔

پولیس کے مطابق باڑہ کے علاقے ملک دین خیل، سور ڈھنڈ میں دہشتگردوں نے فائرنگ کر کے سکیورٹی فورسز کے اہلکار بلال والی کو ہلاک کر دیا۔ اہلکار عید کی چھٹیوں پر اپنے گھر آیا ہوا تھا۔

مقامی ذرائع کے مطابق بلال والی فرنٹیئر کور (تیراہ ملیشیا 216 ونگ) میں خدمات انجام دے رہے تھے۔

واقعے کے بعد علاقے میں تشویش کی فضا پائی جا رہی ہے جبکہ سکیورٹی فورسز نے دہشتگردوں کے خلاف سرچ آپریشن شروع کر دیا ہے۔

متعلقہ اداروں کی جانب سے واقعے کی مزید تحقیقات جاری ہے۔