خیبر: وادی تیراہ میں بمباری، ٹی ٹی پی کمانڈر سمیت 3 دہشتگرد ہلاک، آپریشن میں ایف سی اہلکار ہلاک، دوسرا زخمی

باڑہ (نمائندہ ڈیلی اردو/ٹی این این) صوبہ خیبر پختونخوا کے قبائلی ضلع خیبر کے دور افتادہ وادی تیراہ کے علاقہ دور بانڈہ میں پاک فضائیہ نے دہشت گردوں کے ٹھکانوں پر بمباری کی ہے جس کے نتیجے میں تین دہشت گرد ہلاک ہوگئے۔ سکیورٹی ذرائع کے مطابق کاروائی میں ڈرون طیارہ استعمال کیا گیا۔

#Pakistan: Pakistani fighter jets have reportedly struck hideouts of TTP (and probably LeI) militants in Tirah Valley, Khyber district.

NOTE: On April 02 & April 04, both LeI & pro-TTP channels had reported that their hideouts were bombed for 3 consecutive days. https://t.co/bO3lyXSqOz

— ???? (@cozyduke_apt29) April 25, 2024

ڈرون طیارے سے متعدد مزائل فائر کئے گئے۔ فضائی حملہ دہشت گردوں کی موجودگی کی اطلاع پر کیا گیا۔

فضائی کارروائی کے بعد پاک آرمی اور ایف سی جوانوں نے علاقہ میں سرچ آپریشن شروع کردیا۔ سرچ کارروائی کے دوران دہشت گردوں کی تین لاشیں برآمد ہوئی۔ سکیورٹی ذرائع کا کہنا ہے کہ علاقے میں سرچ آپریشن جاری ہے۔

سیکورٹی ذرائع کا مزید کہنا ہے کہ ڈرون حملے میں کالعدم تحریک طالبان پاکستان کے کمانڈر سہل عرف عظمتو دو ساتھیوں سمیت مارا گیا۔

فائرنگ کا دوسرا واقعہ کڑنگ درہ میں پیش آیا جس میں ایف سی اہلکار سید جمشید حسین ساکن پاراچنار ہلاک ہوگیا۔ جبکہ لانس نائیک رشید بیٹنی شدید زخمی ہوگیا۔

#Pakistan: One FC soldier was killed and another suffered injuries in an attack by militants in Tirah Valley, Khyber district.

Meanwhile, Lashkar-e-Islam took responsibility for ambushing security forces last night in Rambi Khel, Khyber district. https://t.co/1diUfGFUD6

— ???? (@cozyduke_apt29) April 25, 2024

حکام کے مطابق یہ واقعہ وادی تیراہ کے علاقے کڑنگ درہ میں اس وقت پیش آیا جب ایف سی اہلکار معمول کے گشت پر تھے۔

نمائندہ ڈیلی اردو کے مطابق جمشید حسین کی نمازجنازہ مکمل فوجی اعزاز کےساتھ ادا گئی جس میں حاضر سروس، ریٹارئرڈ فوجی افسران سمیت اہلخانہ اور عوام نے کثیر تعداد میں شرکت کی، بعد ازاں سپاہی کو پورے فوجی اعزاز کے ساتھ سپرد خاک کردیا۔