خیبر: وادی تیراہ میں سیکورٹی فورسز پر دہشت گردوں کا حملہ، 3 اہلکار ہلاک، 4 زخمی

پشاور (نمائندہ ڈیلی اردو) صوبہ خیبر پختونخوا کے قبائلی ضلع خیبر کے دور افتادہ وادی تیراہ کے علاقے تند میں دہشت گردوں کی سکیورٹی فورسز کے چیک پوسٹ پر حملے کے نتیجے میں 3 اہلکار ہلاک جبکہ 4 زخمی ہوگئے۔

سرکاری ذرائع کے مطابق دہشت گردوں اور سکیورٹی فورسز کے درمیان فائرنگ کا تبادلہ کافی دیر تک جاری رہا۔ فائرنگ میں ہلاک ہونے والے اہلکاروں کی شناخت سپاہی طارق، رحمت اور علی کے ناموں سے ہوئی ہے۔

ذرائع کے مطابق زخمی اہلکاروں میں نائیک خان محمد، لانس نائیک احسان، سپاہی فاروق سید اور سپاہی عابد اللہ شامل ہیں جہنیں ابتدائی طبی امداد دی جا رہی ہے۔

دوسری جانب کالعدم تنظیم تنظیم تحریک طالبان پاکستان نے حملے کی ذمہ داری قبول کرلی ہے۔