خیبر پختونخوا: انک میں امن کمیٹی کے دفتر پر مشتبہ ڈرون حملہ

ٹانک (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ٹانک میں حکومتی حمایت یافتہ امن کمیٹی کے دفتر میں زور دار دھماکہ ہوا ہے۔ واقعہ پرانے تبلیغی مرکز کے قریب پیش آیا۔

نمائندہ ڈیلی اردو کو پولیس اہلکار نے بتایا ہے کہ ابتدائی شواہد سے واقعہ ڈرون حملہ ظاہر ہوتا ہے۔

دھماکے کی آواز دور دور تک سنی گئی جبکہ قریبی عمارتوں کے شیشے ٹوٹ گئے۔ تاہم کوئی جانی نقصان رپورٹ نہیں ہوا۔

پولیس اور سیکیورٹی فورسز کی بھاری نفری موقع پر پہنچ گئی ہے اور علاقے کو گھیرے میں لے کر مزید شواہد اکٹھے کیے جا رہے ہیں۔

واضح رہے کہ حکومتی حمایت یافتہ امن کمیٹی کو مقامی سطح پر ’گڈ طالبان‘ بھی کہا جاتا ہے۔