روسی حملے میں یوکرین کی اہم توانائی تنصیب تباہ، لاکھوں شہری بجلی سے محروم

خارکیف / کیف (ڈیلی اردو)  یوکرین کے دوسرے بڑے شہر خارکیف میں روسی افواج نے توانائی کی ایک بڑی اور اہم تنصیب کو تباہ کر دیا ہے۔ یہ بات جمعرات کے روز شہر کے میئر نے بتائی۔ موسمِ سرما کے دوران روس کی جانب سے جاری فضائی حملوں کی اس تازہ کارروائی کے نتیجے میں لاکھوں شہریوں کو بجلی اور ہیٹنگ کی شدید قلت کا سامنا ہے۔

 یوکرین کے دوسرے بڑے شہر خارکیف میں روسی افواج نے توانائی کی ایک بڑی تنصیب  کو تباہ کر دیا۔ یہ بات  جمعرات کے روز شہر کے میئر نے کہی۔ موسم سرما میں ماسکو کی جانب سے جاری فضائی حملوں کی اس تازہ کارروائی کے سبب لاکھوں شہریوں کو ہیٹنگ اور بجلی کی بندش کا سامنا  کرنا پڑ رہا ہے۔

یوکرینی صدر وولودیمیر زیلنسکی، جنہوں نےایک روز قبل دارالحکومت کیف میں بحالی کے سست رفتار  اقدامات پر تنقید کی تھی، نے ملک میں توانائی کے بنیادی ڈھانچے کو پہنچنے والے نقصان کا جائزہ لینے کے لیے علاقائی حکام کے ساتھ ہنگامی اجلاس کی صدارت کی۔ صدر نے بتایا کہ جمعرات کی شام بھی کییف پر مزید حملے کیے گئے۔

وزیرِ اعظم یولیا سویری ڈینکو نے ملک میں بجلی اور ہیٹنگ کی شدید رکاوٹوں سے نمٹنے کے لیے نئے ہنگامی اقدامات متعارف کرائے ہیں۔ ان میں رات کے کرفیو میں نرمی، کاروباری اداروں اور سرکاریمحکموں کو اضافی بجلی درآمد کرنے کی اجازت اور کییف  میں اسکولوں کی تعطیلات میں یکم فروری تک توسیع شامل ہے۔

ادھر روسی فوج یوکرین کے پاور گرڈ اور دیگر اہم توانائی ڈھانچوں کو مسلسل نشانہ بنا رہی ہے۔ محاذ جنگ پر بھی ماسکو کے دباؤ نے ک کیف کو مشکل صورتِ حال سے دوچار کر رکھا ہے، جبکہ واشنگٹن کی جانب سے امن کے لیے مذاکراتی کوششوں پر دباؤ بھی بڑھ رہا ہے۔