روس نے جاسوسی کے الزام میں امریکی صحافی کو گرفتار کرلیا

ماسکو + واشنگٹن (ڈیلی اردو/نیوز ایجنسیاں) روس میں امریکی اخبار کے رپورٹر کو جاسوسی کے الزام میں گرفتار کرلیا گیا۔

ماسکو سے خبر ایجنسی کے مطابق امریکی رپورٹر ایون گرشکووچ کی روس کی عدالت میں پیشی ہوئی۔

خبر ایجنسی کے مطابق روسی عدالت نے امریکی رپورٹر کو 29 مئی تک حراست میں رکھنے کا حکم دیا۔

امریکی رپورٹر وال اسٹریٹ جرنل کے ماسکو بیورو میں کام کرتا ہے۔

Breaking: A Russian court ordered WSJ reporter Evan Gershkovich detained until May 29 for what it described as espionage. His arrest has drawn broad condemnation. https://t.co/g1N99xtMV6

— The Wall Street Journal (@WSJ) March 30, 2023

دریں اثنا امریکی وزیر خارجہ انٹونی بلنکن نے روس میں امریکی صحافی کی گرفتاری پر تشویش ظاہر کی اور کہا کہ صحافیوں اور میڈیا کے خلاف روس کے اقدامات قابل مذمت ہیں۔

انہوں نے کہا کہ ہم صحافی کے اخبار وال اسٹریٹ جرنل سے رابطے میں ہیں۔

علاوہ ازیں وائٹ ہاؤس کا کہنا ہے کہ محکمہ خارجہ کے حکام نے امریکی اخبار سے رابطہ کیا ہے۔

وائٹ ہاؤس کا مزید کہنا ہے کہ بائیڈن انتظامیہ رپورٹر کے خاندان اور روسی حکومت سے رابطے میں ہے۔

وائٹ ہاؤس نے کہا کہ روسی حکومت کی امریکی شہریوں کے خلاف کارروائیاں قبول نہیں، امریکی شہریوں کو فوری روس چھوڑ دینا چاہیے۔