سندھ: گھوٹکی میں نامعلوم افراد کی فائرنگ سے پولیس اہلکار ہلاک

گھوٹکی (ڈیلی اردو) صوبہ سندھ کے ضلع گھوٹکی کے علاقے اوباڑو میں نامعلوم افراد کی فائرنگ سے پولیس اہلکار ہلاک ہوگیا۔

پولیس حکام کے مطابق ضلع گھوٹکی کے تھانہ اوباڑو میں تعینات پولیس اہلکار کو ڈیوٹی کے دوران نامعلوم افراد نے فائرنگ کرکے ہلاک کردیا۔ پولیس اہلکار خکی شناخت امانت کے نام سے ہوئی۔ واقعے کی اطلاع ملتے ہی ڈی پی رحیم یار خان اور پولیس کی بھاری نفری جائے وقوعہ پر پہنچ گئی اور علاقے کا سرچ آپریشن شروع کردیا۔

پولیس حکام نے بتایا کہ موٹر سائیکل پر سوار پولیس اہلکار سندھ پنجاب سرحد پر سی پیک سروس روڈ سے اپنی ڈیوٹی پوائنٹ پر جارہے تھے کہ راستے میں کماد میں چپھے نامعلوم ملزمان نے فائرنگ کردی، کانسٹیبل امانت کے سر میں گولی لگی اور وہ زخمی ہوگیا، زخمی کانسٹیبل کو شیخ زید اسپتال رحیم یار خان روانہ کیا گیا، تاہم زخموں کی تاب نہ لاتے ہوئے راستے میں ہی دم توڑ گیا۔