سنگاپور: 16 سالہ بھارتی لڑکا مساجد پر حملے کی منصوبہ بندی کے الزام میں گرفتار

سنگاپور (ڈیلی اردو) سنگاپور میں ایک 16 سالہ بھارتی بچے کو دو مساجد پر حملہ کرنے کا ارادہ کرنے کے الزام میں گرفتار کرلیا گیا ہے۔

برطانوی خبررساں ادارے بی بی سی کے مطابق سنگاپور کے محکمہ داخلہ نے اپنے ایک بیان میں بتایا کہ ایک بھارتی نژاد 16 سالہ بچے کو سنگاپور کی 2 مساجد پر حملے کی منصوبہ بندی کرنے کے الزام میں گرفتار کر لیا گیا ہے۔

انہوں نے بتایا کہ گرفتار کیا جانے والے لڑکے کو سنگاپور کے نو آبادیاتی دور کے داخلی سلامتی ایکٹ کے تحت حراست میں لیا گیا ہے۔

واضح رہے کہ سنگاپور میں داخلی سلامتی ایکٹ کے تحت حکام کو کسی بھی شخص کو 2 سال تک حفاظتی خطرہ کے طور پر نظربند کرنے کی اجازت مل جاتی ہے۔