سکھر: خودکش جیکٹس بنانے کا ماہر داعش کا دہشت گرد گرفتار

سکھر (نمائندہ ڈیلی اردو) کاؤنٹر ٹیررازم ڈپارٹمنٹ (سی ٹی ڈی) نے صوبہ سندھ کے ضلع سکھر میں کارورائی کرتے ہوئے عالمی دہشت گرد تنظیم داعش کے ایک دہشت گرد وقار پٹھان کو گرفتار کرلیا۔

سی ٹی ڈی کے مطابق سکھر میں باگڑجی کے علاقے میں دہشت گردوں کے خلاف کارروائی کی گئی ہے، جس میں داعش کے دہشت گرد کو گرفتار کیا گیا ہے۔

اس حوالے سے سی ٹی ڈی سکھر کا کہنا ہے کہ گرفتار دہشت گرد کی شناخت وقار پٹھان کے نام سے ہوئی ہے، جو فلپائن میں بھی 13 ماہ گرفتار رہ چکا ہے۔

سی ٹی ڈی پولیس کا جاری بیان میں کہنا ہے کہ گرفتار دہشت گرد سے گرفتار دہشت گرد سے دھماکہ خیز مواد، ڈیٹونیٹر، بال بیرنگ و دیگر سامان برآمد ہوا ہے۔ دہشت گرد وفار افغانستان میں نیٹو فورسز پر حملے بھی کرچکا ہے۔

ترجمان سی ٹی ڈی سکھر کا کہنا ہے کہ گرفتاع دہشت گرد افغانستان میں خودکش جیکٹس تیار کرتا رہا ہے۔ ملزم افغان اور نیٹو فورسز پر حملوں میں ملوث رہا ہے۔ ملزم نے حالیہ زیرک کیمپ میں افغان فورسز پر بھی حملہ کیا تھا۔