شمالی وزیرستان میں دہشتگردوں کی فائرنگ سے پاکستانی فوجی ہلاک

راولپنڈی (نمائندہ ڈیلی اردو) صوبہ خیبر پختونخوا کے قبائلی ضلع شمالی وزیرستان میں دہشتگردوں کی فائرنگ سے پاکستانی فوج کا سپاہی ہلاک ہوگیا۔

پاکستانی فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق شمالی وزیرستان کے علاقے سپن وام میں دہشتگردوں نے سکیورٹی فورسز کی چیک پوسٹ پر فائرنگ کی۔

آئی ایس پی آر کے مطابق دہشت گردوں کی جانب سے چیک پوسٹ پر فائرنگ کے جواب میں سیکورٹی فورسز نے فوری اور بھرپور جواب دیا۔ اس دوران فائرنگ کے تبادلہ کے باعث پاک فوج کا 25 سالہ سپاہی سیف اللہ ہلاک ہو گیا۔

آئی ایس پی آر کے مطابق علاقے میں دہشتگردوں کی تلاش کے لئے سرچ آپریشن جاری ہے۔