شمالی وزیرستان میں سیکورٹی فورسز کی گاڑی خودکش دھماکا، 3 اہلکاروں سمیت 6 افراد ہلاک

اسلام آباد (ش ح ط) صوبہ خیبرپختونخوا کے قبائلی ضلع شمالی وزیرستان میں سیکورٹی فورسز کی گاڑی کے قریب ایک خودکش حملے میں تین اہلکاروں سمیت 6 افراد ہلاک ہوگئے۔

UPDATE:

Death toll in North Waziristan bombing stands at 6. #Pakistan https://t.co/tmuKoxqz75

— FJ (@Natsecjeff) May 14, 2022

سرکاری ذرائع کے مطابق عیدک کے قریب ایک خودکش حملہ آور نے سیکورٹی فورسز کے گاڑی کے ساتھ خود کو دھماکے سے اڑا لیا جسکے نتیجے میں 3 اہلکار اور تین مقامی بچے ہلاک ہوگئے جبکہ خودکش حملے میں چار اہلکاروں سمیت تین بچے شدید زخمی ہوگئے ہیں۔

اطلاع ملنے پر پولیس اور سیکورٹی فورسز کی بھاری نفری نے موقع پر پہنچ کر علاقے کو گھیرے میں لیکر لاشوں اور زخمی اہلکاروں کو ہیلی کاپٹر کے ذریعے بنوں سی ایم ایچ ہسپتال منتقل کردیا گیا۔ جہاں پر تین اہلکاروں کی حالت تشویشناک بتائی جاتی ہے۔

جائے وقوعہ سے خودکش حملہ آور کے جسمانی اعضا اور ٹانگیں تحویل میں لی گئی ہیں۔ واقعہ کے بعد علاقے کو سیل کر کے شواہد اکٹھے کرنے کا سلسلہ شروع کردیا گیا، دھماکہ اتنا شدید تھا کہ اس کی آواز دور دور تک سنائی دی۔

بم ڈسپوزل اسکواڈ نے خودکش حملہ آور کے جسمانی اعضا قبضے میں لے لئے گئے جنہیں ڈی این اے ٹیسٹ کیلئے بھجوایا جائے گا۔