شمالی وزیرستان میں نیشنل بینک کی گاڑی فائرنگ، مینیجر ہلاک

میرانشاہ (نمائندہ ڈیلی اردو) صوبہ خیبرپختونخوا کے قبائلی ضلع شمالی وزیرستان میں نامعلوم افراد نے بینک اسٹاف کی گاڑی پر اندھا دھند فائرنگ کی جس کے نتیجے میں مینیجر ہلاک ہوگیا۔

تفصیلات کے مطابق میر علی سے بنوں جانے والے بینک اسٹاف کی گاڑی پر میرعلی بازار میں نامعلوم مسلح افراد نے اندھا دھند فائرنگ کی۔

پولیس کے مطابق فائرنگ کے نتیجے میں نیشنل بینک میران شاہ برانچ کے مینیجر اکبر زمان خان موقع پر ہلاک ہو گئے۔ جبکہ گاڑی میں بیٹھے دیگر افراد زخمی ہوئے ہیں جنہیں ضابطے کی کارروائی اور طبی امداد کیلئے ہسپتال منتقل کردیا گیا ہے۔

پولیس کے مطابق واقعے کے بعد بھاری نفری کو جائے وقوعہ بھیج کر شواہد اکھٹے کرلیے ہیں جبکہ تحقیقات بھی کی جارہی ہیں۔