شمالی وزیرستان میں پاکستانی فوجی نے خود کو گولی مار کر خودکشی کرلی

اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان کے سرحدی علاقے ماما زیارات میں سیکیوٹی اہلکار نے اپنی سرکاری رائفل سے خود کو گولی مار کر زندگی کا خاتمہ کرلیا۔

سرکاری زرائع کے مطابق محمد حسنین جدون نامی اہلکار نے نامعلوم وجوہات کی بنا پر خودکشی کرلی ہے، سیکیورٹی فورسز نے ہلاک ہونے والے اہلکار سپاہی حسنین کی میت کو میرانشاہ منتقل کردیا۔

ہلاک ہونے والے سپاہی ملک حسنین خان جدون کا تعلق ایبٹ آباد کے نواحی گاؤں میرا مندروچھ طوری شریف سے ہے۔

واضح رہے کہ سیکورٹی فورسز نے شمالی وزیرستان کی تحصیل دتہ خیل کا علاقہ ابھی تک کلیئر نہیں کیا ہے، یہاں پر مسلسل اپریشنز چل رہا ہے، جہاں ایک بڑی تعداد میں سیکیورٹی فورسز کے اہلکار دہشت گردوں کے خلاف پرسرپیکار ہیں۔