صوابی میں ٹریفک پولیس اہلکار کا اغوا کے بعد قتل

صوابی (نمائندہ ڈیلی اردو) صوبہ خیبر پختونخوا کے ضلع صوابی میں نامعلوم افراد نے ٹریفک پولیس اہلکار کو اغوا کرکے قتل کردیا۔

تفصیلات کے مطابق مقتول کانسٹیبل علی اکبر صوابی ٹریفک پولیس میں تعینات تھے۔ مقتول گزشتہ چار دنوں سے لاپتہ تھے اور اسماعیلہ گاؤں کے رہائشی تھے۔ ان کی لاش پولیس تھانہ زیدہ کی حدود گجو خان میرو سے ملی۔

صوابی۔ڈی پی اوصوابی محمدشعیب خان کی شہیدٹریفک کنسٹبل علی اکبر کےقبر پرحاضری

پولیس کےچاک وچوبند دستے کے ہمراہ سلامی پیش کی اور پھولوں کی چادر چڑھائی

ہماری ٹیمیں مسلسل اِن فیلڈ اور کوششیں جاری ہیں، ملزمان جلد سلاخوں کے پیچھے ہوں گے: ڈی پی او صوابی@KP_Police1 @RPOMardan pic.twitter.com/6yJtwCDvwf

— Swabi Police (@SwabiPolice) November 18, 2021

پولیس نے واقعے کا مقدمہ درج کرکے تحقیقات شروع کردی ہیں۔ مقتول کے لواحقین نے قتل میں میں ملوث ملزمان کو گرفتار کرکے قرار واقعی سزا دینے کا مطالبہ کیا ہے۔