11/August/2021

عراقی صوبے صلاح الدین میں دھماکا، 9 سیکورٹی اہلکار ہلاک، 11 زخمی

👁️ 21 بار دیکھا گیا

ایڈمن
امریکا
عراقی صوبے صلاح الدین میں دھماکا، 9 سیکورٹی اہلکار ہلاک، 11 زخمی

عراقی صوبے صلاح الدین میں دھماکا، 9 سیکورٹی اہلکار ہلاک، 11 زخمی

بغداد (ڈیلی اردو/شِنہوا) عراق کے دارالحکومت بغداد کے شمال میں واقع صوبہ صلاح الدین میں ایک زور دار دھماکے کے نتیجے میں 9 عراقی سیکورٹی اہلکار ہلاک اور 11 دیگر زخمی ہو گئے ہیں۔

صوبائی پولیس کے ایک ذرائع محمد البازی نے ترک نیوز ایجنسی کو بتایا کہ یہ دھماکہ بغداد سے تقریباً 200 کلومیٹر شمال میں واقع بائیجی قصبے کے مغرب میں سیکورٹی فورسز کو ملنے والے بارود اور ہتھیاروں سے بھرے ایک ٹرک میں ہوا۔

البازی نے کہا کہ یہ دھماکہ اس وقت ہوا جب عراقی فوج، پولیس اور نیم فوجی دستے حشد الشعبی کی مشترکہ فورس بارود اور ہتھیاروں کو ٹرکوں میں منتقل کر رہی تھی۔

البازی نے کہا کہ دھماکے کے نتیجے میں فوج، پولیس اور حشد الشعبی کے 9 اہلکار ہلاک اور 11 دیگر زخمی ہوئے ہیں۔

انہوں نے مزید بتایا کہ صوبائی آپریشن کمانڈ نے واقعے کی تحقیقات شروع کر دی ہیں۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C