عراق: اربیل ہوائی اڈے پر بارود سے بھرے ڈرون کے ذریعے حملہ

بغداد (ڈیلی اردو) عراق کے صوبہ کردستان کے بین الاقوامی ہوائی اڈے پر بغیر پائلٹ کے بمبار ڈرون سے حملہ کیا گیا۔

تفصیلات کے مطابق عراق میں انسداد دہشت گردی حکام نے میڈیا کو بتایا کہ منگل اور بدھ کی درمیانی شب صوبہ کردستان میں امریکی قونصل خانے کے قریب واقع اربیل ہوائی اڈے پر بغیر پائلٹ کے بمبار ڈرون سے حملہ کیا گیا۔

Initial report: At approx. 11:15 PM local time, one UAS impacted in vicinity of Erbil Air Base, Iraq. At this time initial reports indicate no injuries, casualties or damage. We will update when we have further information.

— OIR Spokesperson (@OIRSpox) July 6, 2021

انہوں نے بتایا کہ اس حملے میں کسی قسم کے جانی یا مالی نقصان کی اطلاع نہیں ملی تاہم ہوائی اڈے کے قریب جھاڑیوں میں آگ لگ گئی تھی۔

واضح رہے کہ حملے کے بعد کچھ دیر کے لیے فضائی سروس معطل کر دی گئی تھی بعد ازاں فلائٹ آپریشن بہ تدریج بحال کر دیا گیا۔