غزہ سے راکٹ حملوں کے نتیجے میں 5 اسرائیلی زخمی

غزہ (ڈیلی اردو) اسرائیلی فوج نے فلسطین کے علاقے غزہ کی پٹی سے داغے جانے والے متعدد راکٹوں کے نتیجے میں پانچ یہودی آبادکاروں کے زخمی ہونے اور بھاری مالی نقصان کی تصدیق کی ہے۔

مرکز اطلاعات فلسطین کے مطابق اسرائیلی فوج کے ترجمان کا کہنا ہے کہ فلسطینی مزاحمت کاروں کی طرف سے داغے گئے راکٹ اسرائیلی فضائی دفاعی نظام آئرن ڈون سے بچ نکلنے میں کامیاب رہے اور وہ ایک یہودی کالونی میں جا گرے۔ ان راکٹوں کے پھٹنے سے کم سے کم پانچ یہودی آباد کار زخمی ہوئے۔

عبرانی ٹی وی چینل ’13’ کے مطابق آئرن ڈون نے ‘تامیر’ نامی ایک راکٹ کو سدیروت میں گرا دیا۔ اس کے علاوہ اسی علاقے میں متعدد راکٹ گرے جس کے نتیجے میں کم سے کم پانچ یہودی آبادکار زخمی ہوگئے۔