فیس بک انتظامیہ نے ایک دفعہ پھر “ڈیلی اردو” کا آفیشل پیج بلاک کردیا

اسلام آباد (ڈیلی اردو) سماجی رابطوں کی ویب سائٹ فیس بک کی جانب سے نہتے فلسطینیوں کے خلاف اسرئیل کے مظالم دنیا کے سامنے لانے والے ہرادارے ہر تنظیم اور ہر شخص کے خلاف اقدامات دیکھنے میں آئے ہیں، حالیہ ڈیلی اردو کے فیس بک پیج کو بھی کشمیریوں اور فلسطیوں کے مظالم دنیا کے سامنے لانے کی پاداش میں بلاک کردیا گیا۔

فیس بک انتظامیہ کی طرف سے کسی پیشگی وارننگ کے بغیر ہی اس کا فین پیج بلاک کردیا حالانکہ اس کے فالورز کی تعداد تقریبا 26 ہزار کے لگ بھگ تھی۔ فیس بک کی جانب سے اس اقدام کا کوئی جواز نہیں بتایا گیا۔ یاد رہے کہ اس سے قبل ماہ مارچ، اپریل میں بھی “ڈیلی اردو” کے بیج کو بلاک کردیا گیا تھا۔

تاہم یہ واضح ہے کہ ڈیلی اردو کے صفحے کی بندش کے پیچھے بھارتی اور اسرائیلی لابی کارفرما ہے جوکہ اپنے خلاف ہونے والی تنقید کو برداشت نہیں کرتی اور اپنے مخالفین کو انتقامی کارروائیوں کا نشانہ بنارہی ہے