لکی مروت اور بنوں میں پولیس آپریشن، دو دہشت گرد ہلاک

بنوں (نمائندہ ڈیلی اردو) پاکستان کے شورش زدہ صوبے خیبر پختونخوا کے اضلاع لکی مروت اور بنوں کے سنگم پر واقع علاقے تختی خیل میں پولیس نے آپریشن کیا جس کے دوران عوام اور پولیس کی مشترکہ کارروائی میں دو دہشت گرد ہلاک ہو گئے۔

پولیس کے مطابق تختی خیل میں آپریشن کے دوران جائے وقوعہ کی جانب پیش قدمی کے لیے بنوں پولیس کو بھی ہدایات جاری کی گئیں۔ 

بتایا جاتا ہے کہ یہ کارروائی گزشتہ روز دہشت گردوں کی جانب سے کواڈ کاپٹر کے ذریعے کیے گئے حملے کے بعد عمل میں لائی گئی۔

ریجنل پولیس افسر سجاد خان کے مطابق کواڈ کاپٹر حملے میں چھ سے سات بچے زخمی ہوئے تھے۔ ان کا کہنا تھا کہ جاری آپریشن میں دہشت گردوں کو بھاری نقصان پہنچنے کا امکان ہے۔