مالی: چیک پوسٹ پر دہشت گردوں کے حملے میں ایک شہری سمیت 54 فوجی شہید

بماکو (ڈیلی اردو) افریقی ملک مالی میں چیک پوسٹ پر دہشت گردوں کے حملے میں ایک شہری سمیت 54 فوجی شہید ہوگئے تاہم اب تک کسی گروپ نے اس حملے کی ذمہ داری قبول نہیں کی۔

تفصیلات کے مطابق بین الاقوامی میڈیا رپورٹس میں بتایا گیا ہے کہ دہشت گردوں نے نائجر سرحد کے قریب میناکا ریجن میں واقع ملکی سیکیورٹی فورسز کی چیک پوسٹ پر حملہ کردیا جس کے نتیجے میں ایک شہری سمیت54 فوجی شہید ہوگئے۔

اس حملے کو مالی کی تاریخ میں رواں دہائی کا سب سے خونریز واقعہ قرار دیا گیا ہے جب کہ فوج نے اپنی ٹوئٹ کہا ہے کہ یہ دہشتگردانہ حملہ ہے۔

وزیر اطلاعات یایا سنگارے کا کہنا ہے کہ حملے میں 10 افراد معجرانہ طور پر محفوظ رہے ہیں اور انہیں بحفاظت ریسکیو کرلیا گیا ہے تاہم اب تک کسی گروپ نے اس حملے کی ذمہ داری قبول نہیں کی۔

حملے کے بعد مذکورہ ریجن میں سیکورٹی فورسز کے اضافی دستے تعینات کردیے گئے ہیں اور علاقے کو گھیرے میں لے کر سرچ آپریشن شروع کردیا گیا ہے۔

مالی میں پرتشدد واقعہ کا سلسلہ 2012 سے اس وقت شروع ہوا جب شدت پسند تنظیم القائدہ نے فرانس کی مدد سے ملک کے شمالی حصے پر قبضہ کرلیا تاہم ملکی افواج نے شدت پسندوں سے علاقے کا قبضہ چھڑوا کر کنٹرول حاصل کرلیا تھا۔

رواں سال ستمبر کے آخر میں اسی طرح کے ایک حملے میں 38 فوجی شہید ہوگئے تھے، حملہ آوروں نے دو فوجی کیمپس پر دھاوا بول کر وہاں موجود فوجیوں کو موت کے گھاٹ اتارا تھا۔

واضح رہے کہ عالمی دہشت گرد تنظیم القاعدہ سے الگ ہونے والے گروپ مجوہ اور اس کی اتحادی جماعت انصارالدین نے مالی کے شمالی علاقے میں اس سال مارچ میں مقامی طورق قبائیلیوں کی علاحدگی کے لیے برپا کردہ بغاوت کو ہائی جیک کرلیا تھا۔ اب ان کا مالی کے دو تہائی شمالی صحرائی علاقے میں کنٹرول قائم ہے۔ گئیو ،کدال اور ٹمبکٹو ایسے شہروں سمیت ان کے زیر قبضہ علاقے کا رقبہ فرانس سے بھی زیادہ ہے۔ اس علاقے پر ان تنظیموں کے قبضے کے بعد سے مغربی ممالک کی جانب سے ان مزعومہ خدشات کا اظہار کیا جا رہا ہے کہ مالی جہادیوں کی محفوظ پناہ گاہ بن سکتا ہے۔

مالی ملک

لگ بھگ 90 فیصد مالی سنی مسلمان ہیں اور مسیحی آبادی صرف ایک فیصد ہے۔