مصر کی سرحد کے قریب فائرنگ سے 3 اسرائیلی فوجی ہلاک

تل ابیب (ڈیلی اردو) اسرائیل اور مصر کی سرحد پر فائرنگ سے خاتون سمیت 3 اسرائیلی فوجی ہلاک ہوگئے۔

3 IDF soldiers were killed today.

2 soldiers were killed by live fire adjacent to the Egyptian border, and the third during an exchange of fire with an assailant in the area of the Paran Regional Brigade. An IDF NCO was also lightly injured. 1/2

— Israel Defense Forces (@IDF) June 3, 2023

غیر ملکی میڈیا کے مطابق ابتدائی تحقیقات میں بتایا گیا ہے کہ ایک مرد اور ایک خاتون اہلکار صبح 6 بجے اپنی چیک پوسٹ پر مردہ حالت میں پائے گئے۔

لاشیں برآمد ہونے پر فوجی دستے وہاں پہنچے اور حملہ آور کی تلاش کیلئے آپریشن کیا گیا جس کے متعلق کہا جا رہا ہے کہ وہ رات کے کسی پہر سرحد پار کرکے اسرائیل میں گھسا تھا۔

اسرائیلی فوج کا دعویٰ ہے کہ دہشتگرد کا تعلق مصر کی پولیس سے ہے۔

اسرائیلی فوج نے کہا کہ وہ اور مصری فوج واقعے کی جامع تفتیش کر رہی ہے۔

مصر کی فوج نے بیان میں کہا کہ ہمارا پولیس افسر منشیات اسمگلرز کا پیچھا کر رہا تھا، ملزمان پر فائرنگ کی لیکن اس کے نتیجے میں تین اسرائیلی فوجی ہلاک ہوگئے۔