مقبوضہ کشمیر: راجوڑی میں مسافر بس گہری کھائی میں جا گری، 10 افراد جاں بحق، 13 زخمی

سری نگر (ڈیلی اردو) مقبوضہ کشمیر میں مسافر بس بارش کے باعث پھسل کر گہری کھائی میں گر گئی جس سے خواتین اور بچوں سمیت 10 افراد جاں بحق اور 13 سے زائد افراد زخمی ہوگئے۔

بس مقبوضہ کشمیر میں ضلع راجوڑی کے علاقے میں حادثے کا شکار ہوگئی، مقامی میڈیا کے مطابق بس سڑک پر پھسلن کے باعث بے قابو ہو کر گہری کھائی میں گر کر تباہ ہو گئی۔

#Rajouri Accident :10 people killed and 13 injured after a bus skidded off the road and fell into a deep gorge in Jammu and Kashmir’s Rajouri district on Thursday.
– Excelsior / Amit Sharma pic.twitter.com/y29070Dozl

— Daily Excelsior (@DailyExcelsior1) January 2, 2020

جاں بحق اور زخمیوں کو قریبی ہسپتال منتقل کردیا گیا ہے۔ جاں بحق ہونے والوں میں خواتین اور بچے شامل ہے۔

ہسپتال ذرائع کا کہنا ہے کہ 13 زخمیوں میں سے متعدد کی حالت نازک ہے جنہیں سری نگر ہسپتال منتقل کردیا گیا ہے۔