ممبئی: معروف بھارتی ٹی وی اینکر ارناب گوسوامی گرفتار

نئی دہلی (ڈیلی اردو) ممبئی پولیس نے معروف بھارتی نیوز اینکر ارناب گوسوامی کو گرفتار کرلیا۔

بھارتی میڈیا نے ری پبلکن ٹی وی کے ایڈیٹر انچیف اور معروف اینکر ارناب گوسوامی کی گرفتاری کی تصدیق کرتے ہوئے کہا کہ گوسوامی کو ان کی رہائش گاہ وورلی ہاؤس سے ایک خودکشی سے متعلق کیس میں گرفتار کیا گیا ہے۔

Arnab Goswami arrested: Mumbai Police physically manhandle Republic TV chief at his residence, drags him to police station https://t.co/iNoEU8xzlT

— OpIndia.com (@OpIndia_com) November 4, 2020

بھارتی میڈیا کے مطابق ارناب گوسوامی کے ساتھ دیگر 2 افراد کو بھی گرفتار کیا گیا ہے جن میں فیروز شیخ اور نتیش سردا شامل ہیں۔

What had Arnab’s son done? Even Ajmal Kasab was treated with more dignity by @MumbaiPolice. This is absolutely revolting https://t.co/1vjlxNTGjF

— Shefali Vaidya. ???????? (@ShefVaidya) November 4, 2020

بھارتی میڈیا کا بتانا ہے کہ ایک آرکیٹیک فرم کے مینیجنگ ڈائریکٹر 53 سالہ انوے نائیک اور ان کی والدہ نے 2018 میں خودکشی کی تھی اور اس حوالے سے خبریں سامنے آئی تھیں کہ چینل کو انوے نائیک کو 83 لاکھ روپے ادا کرنا تھے جب کہ دیگر دو کمپنیوں نے بھی آکیٹیک ڈیزائنر کو رقم کی ادائیگی نہیں کی تھی اور تینوں کی رقم ملا کر 5 کروڑ سے زائد بنتی تھی۔

#IndiaWithArnab | Arnab Goswami physically assaulted and forcefully arrested by Mumbai Police; Republic appeals to Indians to defend democracy pic.twitter.com/5zGGwrv6WN

— Republic (@republic) November 4, 2020

پولیس کا کہنا ہے کہ ارناب گوسوامی کی گرفتاری کے لیے پہنچے تو ان کی اہلیہ نے گھر کا دروازہ کھولنے سے انکار کردیا جس پر کسی بھی الزام سے بچنے کے لیے گرفتاری کے پورے عمل کی ویڈیو بنائی گئی جب کہ جیسے ہی پولیس ارناب کو گرفتار کرنے گھر میں داخل ہوئی تو ان کی اہلیہ نےبھی ویڈیو بنانا شروع کردی اور پولیس پر حملہ کرنے کا الزام لگایا۔

بھارتی میڈیا کے مطابق آرکیٹیک ڈیزائنر انوے ملک اور ان کی والدہ 2018 فارم ہاؤس پر مردہ پائے گئے تھے جب کہ پولیس کو انوے کے ہاتھ سے ایک پرچہ بھی ملا تھا جس میں انہوں نے ان تین کمپنیوں پر رقم کی عدم ادائیگی کا الزام عائد کیا تھا اور اسی بنا پر انہوں نے اور والدہ نے تنگ آکر خودکشی کی۔

انوے ملک کی اہلیہ نے واقعے پر ارناب گوسوامی اور دیگر 2 افراد کے خلاف مقدمہ درج کرایا تھا جس میں انہوں نے اپنے شوہر اور ساس کی موت کی وجہ ان تین افراد کو قرار دیا تھا۔

بھارتی میڈیا کے مطابق انوے ملک کے ہاتھ سے ملنے والے نوٹ کی بنیاد پر پولیس نے ارناب گوسوامی، فیروز شیخ اور نتیش سردا کے خلاف مقدمہ درج کیا تھا جس میں ان کی گرفتاری عمل میں لائی گئی ہے۔

پولیس کا کہنا ہےکہ تحقیقات میں یہ بات ثابت ہوئی تھی کہ انوے ملک نے پہلے اپنی ماں کا گلہ دبا کر انہیں قتل کیا اور پھر خودکشی کی۔