مہمند سے تحریک طالبان پاکستان کے 9 دہشت گرد گرفتار، خودکش جیکٹس برآمد

پشاور (ڈیلی اردو) کاؤنٹر ٹیررازم ڈیپارٹمنٹ (ٹی ٹی پی) مردان ریجن نے قبائلی ضلع مہمند میں کالعدم تنظیم تحریک طالبان پاکستان (ٹی ٹی پی) کے 9 دہشت گردوں کو گرفتار کرکے دہشت گردی کا بڑا منصوبہ ناکام بنا دیا۔

تفصیلات کے مطابق دہشت گرد مجرم اشتہاری محب اللہ ،احسان اللہ دہشت گردی کے اہم مقدمات میں سی ٹی ڈی مردان ریجن کو مطلوب تھے۔

اس حوالے سے حکام نے بتایا کہ خفیہ اطلاع ملی تھی کہ ضلع مہمند میں دہشت گرد تشکیل کی صورت میں موجود ہیں.

ملزمان کے قبضے سے 2 عدد خودکش جیکٹ ،ایک عد د کلاشنکوف مع 3 عدد میگزین، ایک پستول 9MM، دو عدد ہینڈ گرینڈ، 4 عدد راکٹ لانچر کے گولے اور بارودی مواد برآمد کیا ہے۔

https://twitter.com/ShabbirTuri/status/1526243771478077440?t=UK714zpDoUNoB0Xz0jeocw&s=19

حکام کے مطابق زیر حراست دہشت گردوں کی شناخت محب اللہ، احسان اللہ، افتخار، سمیع اللہ، عرفان، عصمت اللہ ، فرہاد علی، اشتیاق اور عبدالرازق شامل ہیں۔

https://twitter.com/ShabbirTuri/status/1526245336347725825?t=Bfju-cbbncohuXHEj0UsRA&s=19

علاوہ ازیں حکام نے امید ظاہر کی ہے کہ ملزمان کے خلاف مقدمہ درج کرکے تفتیش جاری ہے جن سےمزید اہم انکشافات متوقع ہیں۔